NavBharat
Business

UCO બેંકે IMPSની સમસ્યા બાદ રૂ. 649 કરોડ રિકવર કર્યાં, હાલ પણ રૂ.171 કરોડ અટવાયા

UCO બેંક સરકારી બેંકોમાંની એક બેંક છે. ગુરુવારે UCO બેંકે તેની IMPS (ઇમિડિએટ પેમેન્ટ સર્વિસ) સેવામાં ટેકનિકલ સમસ્યા અંગે સ્પષ્ટતા આપી હતી. બેંકે કહ્યું કે, ટેકનિકલ સમસ્યાઓના કારણે અટકેલી લગભગ 79 ટકા રકમ પરત મળી ગઈ છે. યુકો બેંકે હાલમાં IMPS ટ્રાન્સફર બંધ કરી દીધું છે. આ સમસ્યાને કારણે અન્ય બેંકોમાંથી IMPS ટ્રાન્સફરની રકમ યુકો બેંકમાં આવી રહી ન હતી. સ્ટોક એક્સચેન્જ (BSE)ને માહિતી આપતા બેંકે કહ્યું કે, આવી સમસ્યાઓ 10થી 13 નવેમ્બરની વચ્ચે આવી. 16 નવેમ્બરે બેંકના શેર નીચે પડ્યા અને 39.67 રૂપિયા પર ખુલ્યા.

820 કરોડ ફસાયા હતા

મીડિયા અહેવાલ મુજબ, બેંકે કહ્યું કે, IMPS સેવામાં સમસ્યાના કારણે લગભગ 820 કરોડ રૂપિયા ફસાયા છે. તેમાંથી અંદાજે 649 કરોડ રૂપિયાની વસૂલાત કરવામાં આવી છે, જે કુલ રકમના 79 ટકા છે. બાકીના 171 કરોડ રૂપિયા પણ ટૂંક સમયમાં વસૂલ કરવામાં આવશે. આ બાબતની જાણકારી કાયદા અમલીકરણ એજન્સીઓને પણ આપવામાં આવી છે.

સાયબર હુમલાની આશંકા

કેટલાક બેંકર્સ IMPSમાં સમસ્યાને UCO બેંક પર સાયબર એટેક પણ ગણાવી રહ્યા છે. આ અંગે કોલકાતા સ્થિત બેંકે કહ્યું છે કે આ આંતરિક ટેકનિકલ મામલો છે. આના કારણે બેંકના ગ્રાહકોને IMPS દ્વારા કેટલીક ખોટી ક્રેડિટ મળી હતી. લોકોને પૈસા જમા થવાના મેસેજ મળી રહ્યા હતા. પરંતુ, તેમના ખાતામાં પૈસા આવતા ન હતા. આવી ફરિયાદો મળ્યા પછી, બેંકે આગલી સૂચના સુધી IMPS સેવા ઑફલાઇન કરી છે. બેંકે એન્ફોર્સમેન્ટ ડિરેક્ટોરેટ (ED)ને મામલાની જાણ કરી છે અને તપાસ ચાલુ છે.

Related posts

અદાણી એનર્જી સોલ્યુશન્સે મુંબઈમાં $1-બિલિયન ગ્રીન ટ્રાન્સમિશન લાઇન માટે નાણાકીય બંધ મેળવ્યું

Navbharat

હીરો મોટોકોર્પ દ્વારા નવા અવતારમાં ન્યૂ ગ્લેમર લોન્ચ કરાયું

Navbharat

મની લોન્ડરિંગ કેસમાં FTXના સહ-સ્થાપક અને ક્રિપ્ટો ટાઇકૂન સેમ બેંકમેન ફ્રાઈડ દોષિત જાહેર, જાણો સંપૂર્ણ મામલો!

Navbharat