NavBharat
Politics/National

દિલ્હીમાં ઓડ-ઈવન સ્કીમ હાલ પુરતી મુલતવી, પર્યાવરણમંત્રીએ કહ્યું- સુપ્રીમ કોર્ટના આદેશ બાદ થશે લાગૂ!

શિયાળા દરમિયાન રાજધાની દિલ્હીમાં સતત વધી રહેલા હવા પ્રદૂષણને ધ્યાનમાં રાખીને દિલ્હી સરકાર દ્વારા ઓડ-ઇવન સ્કીમની શરૂઆત કરવામાં આવી હતી. જો કે, બુધવારે દિલ્હી સરકારે કહ્યું કે, સુપ્રીમ કોર્ટની સમીક્ષા બાદ રાજધાનીમાં ઓડ-ઇવન સ્કીમ લાગૂ કરવામાં આવશે.

દિલ્હીના પર્યાવરણ મંત્રી ગોપાલ રાયે પત્રકાર પરિષદમાં જણાવ્યું હતું કે, રાજ્ય સરકાર શિકાગો યુનિવર્સિટી અને દિલ્હી ટેકનિકલ યુનિવર્સિટી દ્વારા આ યોજના અંગે કરવામાં આવેલા અભ્યાસના પરિણામો સુપ્રીમ કોર્ટમાં રજૂ કરશે. સુપ્રીમ કોર્ટ તેની સમીક્ષા કરશે. તેમના આદેશ બાદ પણ તેના અમલ માટે વિચારણા કરવામાં આવશે.

મંત્રીએ વધુમાં કહ્યું કે, હવે આ કેસમાં આગામી સુનાવણી શુક્રવારે થશે. તમને જણાવી દઈએ કે, મંગળવારે સુપ્રીમ કોર્ટે દિલ્હી સરકારને પૂછ્યું હતું કે રાજધાનીમાં પ્રદૂષણને રોકવા માટે તેમની ઓડ-ઇવન યોજના કેટલી અસરકારક છે અને શું તેના પર કોઈ અભ્યાસ કરવામાં આવ્યો છે કે નહીં? તેના જવાબમાં દિલ્હી સરકાર ઉપરોક્ત બંને સંસ્થાઓ દ્વારા કરવામાં આવેલ અભ્યાસને સુપ્રીમ કોર્ટમાં રજૂ કરશે. તમને જણાવી દઈએ કે, ગોપાલ રાયે અગાઉ દિવાળી પછી 13 નવેમ્બરથી 20 નવેમ્બર સુધી રાજધાનીમાં ઓડ-ઈવન સ્કીમ લાગૂ કરવાની જાહેરાત કરી હતી. આ અંતર્ગત એકી દિવસોમાં માત્ર એકી નંબરવાળા વાહનોને જ ચલાવવાની છૂટ છે અને બેકી નંબરવાળા વાહનોને બેકી દિવસોમાં ચલાવવાની છૂટ છે.

Related posts

ભારતીય રાજનીતિના શિખરસ્તંભ એવા અટલજીથી આપણને હંમેશા રાષ્ટ્રસેવાની પ્રેરણા મળતી રહેશે – શાહ

Navbharat

2024ના ભાજપ સાથે ગઠબંધનની વાત અધૂરી: જનતા દળ સેક્યુલરના કુમારસ્વામી

Navbharat

રાજસ્થાનમાં વિધાનસભાની ચૂંટણી પહેલા BJPનો ચૂંટણી ઢંઢેરો જાહેર, મફત શિક્ષણ, ધો. 12 પાસને સ્કૂટી, નોકરી સહિત જાણો મેનિફેસ્ટોની આ 10 મહત્વની વાતો

Navbharat