NavBharat
Sport

NZ Vs SL: ટ્રેન્ટ બોલ્ટ સામે શ્રીલંકાના બેટ્સમેન ઘૂંટણીએ! વર્લ્ડ કપમાં રચ્યો ઇતિહાસ, બન્યો નંબર 1 કીવી બોલર

ICC વર્લ્ડ કપ 2023ની 41મી મેચ ન્યૂઝીલેન્ડ અને શ્રીલંકા વચ્ચે આજે રમાઈ રહી છે. આ મેચમાં ન્યૂઝીલેન્ડની ટીમે ટોસ જીતીને પહેલા બોલિંગ કરવાનો નિર્ણય લીધો છે. મેચમાં પ્રથમ બેટિંગ કરતા શ્રીલંકાની શરૂઆત ખૂબ જ ખરાબ રહી છે.

જણાવી દઈએ કે, ન્યુઝીલેન્ડ વતી ટીમના ફાસ્ટ બોલર ટ્રેન્ટ બોલ્ટ એ એક જ ઓવરમાં 2 વિકેટ લઈને પોતાની ટીમને સારી શરૂઆત અપાવી હતી. આ સાથે તેણે વર્લ્ડ કપમાં નવો રેકોર્ડ પણ બનાવ્યો છે. ટ્રેન્ટ બોલ્ટ ODI વર્લ્ડ કપના ઈતિહાસમાં 50 વિકેટ લેનાર પ્રથમ કિવી બોલર બની ગયો છે. આ સિવાય તેણે આંતરરાષ્ટ્રીય ક્રિકેટમાં 600 વિકેટ પણ પૂરી કરી લીધી છે. આવું કરનાર તે ન્યુઝીલેન્ડનો ત્રીજો બોલર બન્યો છે.

ODI વર્લ્ડ કપમાં ટ્રેન્ટ બોલ્ટની 50 વિકેટ

ખરેખર, આજે બેંગલુરૂમાં રમાઈ રહેલી મેચમાં શ્રીલંકન ટીમની શરૂઆત સારી રહી ન હતી. કુસલ પરેરાએ સારી શરૂઆત કરી હતી, તેણે અડધી સદી ફટકારી પરંતુ, ટ્રેન્ટ બોલ્ટની સામે શ્રીલંકન ટીમનો ટોપ ઓર્ડર વધુ સમય સુધી ક્રિઝ પર ટકી શક્યો નહોતો. તેણે એક પછી એક ત્રણ વિકેટ લીધી અને ત્રણ બેટ્સમેનોને પેવેલિયન મોકલી દીધા. આ વિકેટ લઈને ટ્રેન્ટ બોલ્ટે વર્લ્ડ કપમાં ઈતિહાસ રચ્યો હતો. ટ્રેન્ટ બોલ્ટ ODI વર્લ્ડ કપમાં 50 વિકેટ લેનારો ન્યુઝીલેન્ડનો પ્રથમ બોલર બની ગયો છે. તેણે શ્રીલંકન ટીમના કેપ્ટન કુસલ મેન્ડિસની વિકેટ લઈને તેના વર્લ્ડકપ ઈતિહાસમાં 50 વિકેટ પૂરી કરી.

આ સમાચાર લખાય છે ત્યાં સુધી ટ્રેન્ટ બોલ્ટે વર્લ્ડ કપમાં 52 વિકેટ પૂરી કરી લીધી છે. ટ્રેન્ટ બોલ્ટ વર્લ્ડ કપમાં 50 વિકેટ લેનારો વિશ્વનો માત્ર છઠ્ઠો બોલર બન્યો છે. તેણે શ્રીલંકાના ચામિંડા વાસનો રેકોર્ડ તોડ્યો, જેના નામે 49 વિકેટ છે. તે જ સમયે, તેના પહેલા વસીમ અકરમ (55 વિકેટ), લસિથ મલિંગા (56 વિકેટ), મુથૈયા મુરલીધરન (68 વિકેટ) અને ગ્લેન મેકગ્રા (71 વિકેટ) પણ આ કારનામું કરી ચુક્યા છે.

Related posts

NZ Vs PAK: મેચમાં વરસાદનું વિઘ્ન, જો મેચ નહીં થાય તો કઈ ટીમને થશે ફાયદો! શું કહે છે DLSના નિયમો?

Navbharat

ભારતની ટીમને આફ્રિકાનો પ્રવાસ કેટલો ફળશે, 10 ડીસેમ્બરથી શરુ થશે ક્રિકેટ મેચ

Navbharat

કાર ક્રેશ બાદ રિષભ પંતનો પ્રથમ બેટિંગનો વીડિયો વાયરલ થયો છે

Navbharat