NavBharat
Sport

વર્લ્ડ કપ હાર્યા બાદ રોહિત શર્માના આંસુ જોઈને આ વિદેશી ખેલાડીનું પણ છલક્યું દર્દ! કહ્યું- હું અનુભવી શકું છું કે..!

આઈસીસી વર્લ્ડ કપ 2023માં ભારતીય ક્રિકેટ ટીમે શાનદાર પ્રદર્શન કર્યું હતું. જો કે, ટીમ વર્લ્ડ કપનો ખિતાબ પોતાના નામે કરવામાં નિષ્ફળ રહી હતી. ટીમ ઇન્ડિયાએ સેમિફાઈનલ સુધીની તમામ 10 મેચ જીતી હતી, પરંતુ ફાઈનલ મેચમાં તેને ઓસ્ટ્રેલિયા સામે 6 વિકેટે હારનો સામનો કરવો પડ્યો હતો. આ સાથે કરોડો ભારતીય ક્રિકેટ ફેન્સનું વર્લ્ડ કપ જીતવાનું સપનું પણ તૂટ્યું હતું. ફાઇનલ મેચની હાર બાદ ટીમ ઈન્ડિયાનો કેપ્ટન રોહિત શર્મા પોતાના આંસુ પર કાબુ રાખી શક્યો નહોતો. આખી ટીમ ઉદાસ જોવા મળી હતી.

રોહિતની ભાવનાત્મકતા જોઈને વિદેશી બોલરે દુ:ખ વ્યક્ત કર્યું

ફાઇનલ મેચની હાર બાદ રોહિત શર્મા એટલો ભાવુક થઈ ગયો હતો કે તે પોતાની જાતને રડતા રોકી શક્યો ન હતો. રોહિતના આ ભાવુક ચહેરાનો વીડિયો સોશિયલ મીડિયા પર વાયરલ થયો હતો, જેને જોઈને દુનિયાના દરેક ક્રિકેટ ફેન્સ ભાવુક થઈ ગયા હતા. તેમાંથી એક ન્યુઝીલેન્ડના ફાસ્ટ બોલર મિશેલ મેકક્લેનાઘન છે, જેણે IPLમાં મુંબઈ ઈન્ડિયન્સ માટે રોહિત શર્મા સાથે ઘણી મેચ રમી છે.

વર્લ્ડ કપની ફાઈનલ મેચમાં હાર બાદ રોહિત શર્માની ભાવનાઓ વિશે મિશેલે કહ્યું કે, મને ખાસ કરીને રોહિત માટે ખરાબ લાગે છે, કારણ કે હું જાણું છું કે તેણે આ ટૂર્નામેન્ટ માટે કેટલી મહેનત કરી અને હું એ પણ જાણું છું કે આ ટ્રોફી તેની કારકિર્દી માટે કેટલી મોટી ઉપલબ્ધિ બની શકે. આ સંદર્ભે મારી લાગણીઓ તેમની સાથે છે. હું અનુભવી શકું છું કે તેણે છેલ્લા કેટલાક વર્ષોમાં ભારતીય ક્રિકેટને કેવી રીતે બદલ્યું છે, તે આ વર્લ્ડ કપમાં કેવા પ્રકારનું પરિણામ ઇચ્છતો હતો અને તે તેનો હકદાર હતો, પરંતુ તેને તે મળ્યું નથી.

Related posts

યુ.એસ. માં આઈપીએલ જેવી મેજર લીગ ક્રિકેટ તરીકે વધુ એક સીમાચિહ્નરૂપ શરૂઆત

Navbharat

માસ્ક, ટોપી અને ચશ્માથી મોઢું છુપાવી સૂર્યકુમાર યાદવ લોકો વચ્ચે પહોંચ્યો, પૂછ્યું- સૂર્યાકુમાર યાદવ કેવો ખેલાડી છે? તો મળ્યો આવો જવાબ!

Navbharat

પહેલા પિચ પછી બોલ અને હવે ટોસ, પાકિસ્તાની પૂર્વ ક્રિકેટરે કર્યો શરમજનક દાવો તો વસીમ અકરમે જ લઈ લીધી ક્લાસ!

Navbharat