NavBharat
Politics/National

અલવરમાં સીએમ યોગીએ કોંગ્રેસ પર કર્યા આકરા પ્રહાર, કહ્યું- તેમણે રામનવમીની શોભાયાત્રા પર પ્રતિબંધ મૂક્યો..!

મધ્યપ્રદેશ, મિજોરમ અને છત્તીસગઢમાં વિધાનસભાની ચૂંટણી બાદ હવે રાજસ્થાનમાં વિધાનસભાની ચૂંટણી યોજાવવાની છે, જેને હવે ગણતરીના દિવસો જ બાકી રહ્યા છે. તેથી તમામ રાજકીય પક્ષો ચૂંટણી પ્રચારમાં પોતાની સંપૂર્ણ તાકાત લગાવી રહ્યા છે. આ શ્રેણીમાં, ઉત્તર પ્રદેશના મુખ્યમંત્રી યોગી આદિત્યનાથ સોમવારે અલવર પહોંચ્યા છે અને ભાજપના ચૂંટણી પ્રચારને વેગ આપવા માટે સભાઓ સંબોધી રહ્યા છે. ત્યારે એક સભા દરમિયાન તેમણે કોંગ્રેસ પર આકરા પ્રહારો કર્યા.

‘રામ વિના આપણું કોઈ કામ કરી શકતા નથી’

અલવરમાં જનસભાને સંબોધતા યોગી આદિત્યનાથે કહ્યું કે, આપણે ભારતમાં રહીએ છીએ. રાજસ્થાનમાં રહીએ છીએ. અહીં સવારની શરૂઆત રામ-રામથી થાય છે, દિનચર્યા રામના નામથી શરૂ થાય છે…અંતિમ યાત્રા પણ રામના નામથી શરૂ થાય છે. રામ વિના અમારું કોઈ કામ થતું જ નથી, પરંતુ અહીં રામનવમીના સરઘસ પર પ્રતિબંધ લગાવવામાં આવે છે અને કર્ફ્યુ લાદવામાં આવે છે.

‘કોંગ્રેસે રામ નવમીની શોભાયાત્રા પર પ્રતિબંધ મૂક્યો’

સીએમ યોગીએ આગળ કહ્યું કે, એક તરફ કોંગ્રેસ રામ નવમીની શોભાયાત્રા પર પ્રતિબંધ મૂકે છે અને બીજી તરફ ભાજપની ડબલ એન્જિન સરકાર અયોધ્યામાં રામ મંદિર બનાવે છે. સીએમ યોગીએ કહ્યું કે, કોંગ્રેસ સરકારના છેલ્લા પાંચ વર્ષમાં માફિયાઓ વધુ મજબૂત થયા છે. ખાણ માફિયા, જમીન માફિયા, નકલ કરનારા માફિયા અને જાણે કોણ અને કેવા નવા માફિયાઓ છે. આ માફિયાઓ માટે યુપીમાં ગુંડા એક્ટ લાગુ કરવામાં આવ્યો છે.

રાજસ્થાનમાં ક્યારે યોજાશે ચૂંટણી?

જણાવી દઈએ કે, રાજસ્થાન વિધાનસભાની ચૂંટણી 25 નવેમ્બરે યોજાશે અને 3 ડિસેમ્બરે પરિણામ જાહેર થશે. હાલ રાજ્યમાં કોંગ્રેસની સરકાર છે.

Related posts

પીએમ મોદીએ અમેરિકાનો આભાર વ્યક્ત કર્યો

Navbharat

PM મોદી પર TMC સાંસદની વિવાદિત ટિપ્પણી બાદ હોબાળો, ભાજપે વિરોધ દાખવી કરી આ માગ!

Navbharat

વોટ આપ્યા બાદ જ્યોતિરાદિત્ય સિંધિયાએ સીએમ ફેસની રેસને લઈ કર્યો ખુલાસો, કહ્યું- હું સીએમની રેસમાં..!

Navbharat